---

          Vim yog cov kwvtij hmoob uas nyob hauv Thaiabteb thiab Lostsuas teb muaj lub neej ua noj ua haus nyob pem tej roob li ntau xwb. Kev kawm txawj kawm ntse los tsis muaj. Ua rau peb kwvtij Hmoob lub neej muaj teeb meem ntau tsav ntau yam, tsi hias kev mus cuag nom cuag tswv los yog,ua ntab ua ntxawv los yog, lossis tej tub ntxhais hluas uas xav mus ua noj nyob rau hauv nroog,mus txog rau kev ua lub cuab lub yig kev qhia tubki,kav lub neej tsev neeg,thiab kev quav yeeb quav tshuaj hauv Hmoob yig neej. Tej no puavleej yog neeb meem uas Hmoob hauv Thaibteb thiab Lostsuas puavleej ntsib thiab tsis pom qab yuav mus sablaj rau leejtwg. Muaj qee leej qee tug ntxhov siab heev cia noj yeeb noj tshuaj dai tuag txo txojsia lawm.
         Yog li no peb thiaj li muaj lub koomhaum COV TSOM KEV KAJ los ua chaws tuavxam lossis chaws sablaj rau ib tsoom kwvtij Hmoob. Thiaj pab daws tej teebmeem raws li muaj peevxwm pab tau. Lub koomhaum COV TSOM KEV KAJ pib qhib ua haujlwm txij thaus xyoo 1997. Los rau niaj hnub nimno los muaj peevxwm pab tau peb cov kwvtij Hmoob coob leej heev thoob plaws Thaibteb thiab Lostsuas tebchaws. Tsis tag li ntawd xwb los lub koomhaum COV TSOM KEV KAJ tseem tau ua tej haujlwm ua cov lus qhuab qhia qhuab ntuas kaw rau hauv foj hmab tseb pub rau ib tsoom Hmoob sqwvdaws tau coj mus mloog thiab kawm,ua rau Hmoob muaj lub chaw kaj siab tau.
        Koomhaum COV TSOM KEV KAJ yog cov kwvtij hmoob uas tuaj yeem los ua haujlwm dawb do xwb,tsis muaj nyiaj txiag nqes dag zog ntiav,thiab tsis muaj nyiaj pab tuaj ib qhov twg tuaj li. Tsuas yog cov tuabyeem ua haujlwm sib pab ib leeg qho mentsis xwb thiaj ua rau tsis muaj peevxwm pab tau raw lis siab xav pab.
        Koomhaum COV TSOM KEV KAJ tej haujlwm uas niaj hnub no ua yam ib yog ua tub tuab xam lossis ua chaws sablaj los ntawm xovtooj. Thaum kwvtij hmoob muaj teebmeem kev ntxhov siab dabtsi lod. Kuj muaj peevxwm hu xovtooj tuaj tham tau txhua lub sijhawm. Yam ob tuaj mus yog sau ntawv tuaj koomhaum maam le teb rov qab los. Yam peb tuaj mus yog ua lus qhuab qhia qhuab ntuas kaw rau huav roj hmab pub rau ib tsoom kwvtij neejtsa hmoob sawvdaw tau mloog. Cov lus qhia uas twb ua tiav tas lawm muaj npaus li no tiamsis tseem niaj hnub txhab ntxiv rau sau cov tshiab thiab.

• Niam txoj kev hlub. Hlub tiag. Txiv txoj kev hlub. Hlub niam. Kwv txhiaj Hmoob.
• Kwv huam piav lub neej "Ntuj tsim teb raug ntu ib"

Koomhaum COV TSOM KEV KAJ tseem npaj tau ntau zaj lus uas yuav qhia txog kev kav lub neej hauv yus lub cuab yig thiab kev qhuab yus tej tub tej ntxhais,kev tswjhwm yus lub neej kom tej tub ntxhais tsis mos kov yeeb haus cawv. Thiab tsis tag li ntawd xwb los tseem muaj hais txog kab tshoob kev kos,Hmoob li paj lug,lus sis dhos lossis lug paj huam ntau tsav ntau yam mus lawm tom ntej thiab. Koomhaum COV TSOM KEV KAJ muaj lub homphiaj thiab vam tias tej no yuav pab ua lub teeb tsom ci rau peb kwvtij Hmoob pom kev ua lub neej zoo thiab vam meej sib luag zog sib txig mus ua ib ke. Vim yog lub koomhaum COV TSOM KEV KAJ yuav ua tiag khaws peb hmoob cov laus uas txawj ntse tej txujci khaws cia rau sawvdaws tau xyaum tau kawm uake. Yog koj muaj lub siab hlub Hmoob thaib xav pom Hmoob muaj lub neej uas yuav txawj vam meej nyob ruaj khov,Thov koj pab koj tej nyuag seem nyiaj txiag los pab raws li koj muaj siab xav pab tau. Xa rau ntawm koomhaum cov tsom kev kaj.

• Bangkok Bank
  San Kamphang Branch
  Account number : 357 - 0 59888 - 2
  Who responsible : Mr.Nipon Chaochalernpon.
• Yog koj xav paub ntxiv noog tau rau ntawm no:
  COV TSOM KEV KAJ (The Light Team.)
  P.O.Box 93, Chiangmai, Thailand 50000
  Telephone : 66 - 53 - 395569